|
Gofélagið starfrækir klúbb sem hittist einu sinni í viku í
Hinu Húsinu, menningarmiðstöð rekinni af ÍTR. Þar geta
menn komið og teflt eða velt fyrir sér hverju því sem
viðkemur Go í félagsskap annarra leikmanna. Af og til
stendur félagið fyrir skipulagðri kennslu fyrir byrjendur og
endrum og eins eru haldin mót.
Hópurinn hittist hvert miðvikudagskvöld, milli 18:00 og
22:00, í fundarsal á þriðju hæð í Hinu Húsinu,
Pósthússtræti 3-5. Gengið er inn steinhússmegin,
vinstra megin á myndinni hér til hliðar. Séu dyrnar læstar er
lítil mynd af goborði í glugganum og þar undir símanúmer
sem hringja má í til að opna dyrnar.
Allir velkomnir; aðgangur er ókeypis.
| 
